Brilliant Cooking (已結業)

同事話Openrice搵到間餐廳好評幾多下, 唔知係唔係新開wo, 一於中午去checkcheck佢。餐廳位置其實幾難搵, 如果唔係事前上網見到, 完全唔會覺得個頭有幾間餐廳...入到去, 環境都OK wo, 目測大部分都係卡位, 坐得幾舒服既。而家好多餐廳已經有用app落單, 呢間餐廳都唔例外。由於天氣熱冇咩胃口, 就點左個雞扒魚湯飯，易d入口。其他人就點左個豬肉眼扒連燒菠蘿。是日餐湯，應該係甘筍 南瓜之類，味道係正常嘅，但係凍左。​另外有d可惜既係，個魚湯飯冇咩魚味，而且亦都冇魚肉，淡左少少。好彩就係呢間店嘅肉類都處理得幾好嘅，雞扒同埋豬扒都好好味 ， 好難得咁厚嘅豬扒唔靭 同幾juicy，份量都幾大份。