影片
更多
2024-09-03
129 瀏覽
《Mojo Bistro - 中環》平時過開嚟中環，都會搵一啲特色嘅西餐廳試吓，今次喺朋友嘅推介吓嚟咗位於石板街附近嘅樓上西餐廳食晚餐，餐廳嘅裝修好有格調，有露台位亦都有大量室內位，平時happy hour時段飲杯嘢應該幾唔錯🤓餐廳逢星期一至日都會有指定餐品做半價優惠，當日星期二就有煙燻三文魚子蟹餅配蒜香蛋黃醬做優惠，咁就梗係試吓佢啦😝今次我同個舊同事叫咗四樣嘢食share食，食到最尾都幾飽連甜品都放唔落🤥如果唔係都想試吓佢個打卡一流嘅Tiramisu，唯有下次啦💁🏻♀️煙燻三文魚籽蟹餅配蒜香蛋黃醬雖然話係半價嘅菜式，但係食落一啲都唔馬虎，睇落個樣平平無奇，但係一入口就食到一絲絲嘅蟹肉同埋煙三文魚嘅魚香，上面嘅三文魚籽爆開之後有一陣咸香味，再點埋好惹味嘅蒜香蛋黃醬，呢度菜式都令人幾驚喜💁🏻♀️牛骨髓伴炒野菌安格斯牛肉本身決定食呢間餐廳係因為見到佢呢條大大嘅牛骨，一般出去食都係食佢軟綿綿嘅牛骨髓的，但係呢一度嘅做法係將牛骨髓煮熟咗變成固體後再切粒炒野菌，而入面嘅牛肉粒食落都幾軟腍腍，不過不得不提嘅係用嚟做配菜嘅薯蓉好好食😋喺麵包上搽滿薯蓉再放牛骨髓同野菌後一啖食落口，個味道多層次又充滿油
平時過開嚟中環，都會搵一啲特色嘅西餐廳試吓，今次喺朋友嘅推介吓嚟咗位於石板街附近嘅樓上西餐廳食晚餐，餐廳嘅裝修好有格調，有露台位亦都有大量室內位，平時happy hour時段飲杯嘢應該幾唔錯🤓餐廳逢星期一至日都會有指定餐品做半價優惠，當日星期二就有煙燻三文魚子蟹餅配蒜香蛋黃醬做優惠，咁就梗係試吓佢啦😝今次我同個舊同事叫咗四樣嘢食share食，食到最尾都幾飽連甜品都放唔落🤥如果唔係都想試吓佢個打卡一流嘅Tiramisu，唯有下次啦
💁🏻♀️煙燻三文魚籽蟹餅配蒜香蛋黃醬
雖然話係半價嘅菜式，但係食落一啲都唔馬虎，睇落個樣平平無奇，但係一入口就食到一絲絲嘅蟹肉同埋煙三文魚嘅魚香，上面嘅三文魚籽爆開之後有一陣咸香味，再點埋好惹味嘅蒜香蛋黃醬，呢度菜式都令人幾驚喜💁🏻♀️牛骨髓伴炒野菌安格斯牛肉
本身決定食呢間餐廳係因為見到佢呢條大大嘅牛骨，一般出去食都係食佢軟綿綿嘅牛骨髓的，但係呢一度嘅做法係將牛骨髓煮熟咗變成固體後再切粒炒野菌，而入面嘅牛肉粒食落都幾軟腍腍，不過不得不提嘅係用嚟做配菜嘅薯蓉好好食😋喺麵包上搽滿薯蓉再放牛骨髓同野菌後一啖食落口，個味道多層次又充滿油香👍🏻💁🏻♀️香煎鴨肝配焦糖蘋果多士
不嬲都話鴨肝鵝肝呢一類食材最配就係甜甜地嘅果醬，鴨煎香左之後口即溶，配埋脆脆嘅多士同埋香甜嘅蘋果蓉一齊食，一來冇咁漏，二來可以提升咗鴨肝嘅香氣，必試💁🏻♀️美國豬鞍扒
當日我哋只係叫咗一個主食，不過我哋另外加咗黑松露薯條做配菜，兩個人食四個菜式都已經夠飽，呢個豬鞍扒要少少時間處理，所以最好早少少落單叫咗先，豬肉食落唔韌而且冇渣，可能係慢煮過嘅關係，佢嘅肉質都幾軟嫩，我覺得最好食就係骨位嘅部份，啲筋膜食落好香豬肉味同埋有口感😍有機會想試埋佢個牛扒喎
張貼
