影片
更多
2009-08-10
5 瀏覽
德福既露比係open rice既評分係最高既一間露比。所以今日同女朋友去左九龍灣逛街，都決定試一試係咪真係咁好。當然之前申請既半價會員證又可以大派用場。德褔呢間鋪，同其他既露比分別唔大，設計如出一轍。不過空間感比較闊落，座位又鬆動一點。服務方面，都有一貫露比既質素。姿客、侍應再忙都唔會忘記帶上一張笑臉。係我鐘意露比既原因。食物方面我地今次頭盤叫左個小食拼盤；主菜係鐵板牛、雞拼薄餅、三式迷你露比漢堡；甜品就係朱古力雪糕蛋糕。小食拼盤：四款我地揀左炸魷魚圈、水牛城雞翼、炸水牛奶芝士、爆谷蝦，雞翼夠惹味、蝦同芝士就普普通通、最特出既反而係魷圈，夠脆、魷魚味相當豐富。鐵板牛、雞拼薄餅：牛肉同雞肉都烤得十分乾身，如果能夠保持肉汁會好一點。雖然過於乾身，不過加上洋蔥、茄蓉、芝士…配菜夾左墨西哥薄餅內同食，能夠略為補救烤得過火的不足之處。三式露比漢堡：漢堡雖小，但麵包仍能保持外脆內軟的好處。三種味道分別為牛、雞、蟹肉。其中以蟹肉最好吃，有蟹肉的鮮甜，味道比較清新。雞肉則比牛肉留有更多肉汁，味道分別卻不大。朱古力tallcake：之前食過士多啤梨味覺得唔錯，所以對呢個朱古力味都滿有期待。可惜既係朱古力
所以今日同女朋友去左九龍灣逛街，都決定試一試係咪真係咁好。
當然之前申請既半價會員證又可以大派用場。
德褔呢間鋪，同其他既露比分別唔大，設計如出一轍。
不過空間感比較闊落，座位又鬆動一點。
服務方面，都有一貫露比既質素。姿客、侍應再忙都唔會忘記帶上一張笑臉。
係我鐘意露比既原因。
食物方面我地今次頭盤叫左個小食拼盤；主菜係鐵板牛、雞拼薄餅、三式迷你露比漢堡；甜品就係朱古力雪糕蛋糕。
小食拼盤：四款我地揀左炸魷魚圈、水牛城雞翼、炸水牛奶芝士、爆谷蝦，雞翼夠惹味、蝦同芝士就普普通通、最特出既反而係魷圈，夠脆、魷魚味相當豐富。
鐵板牛、雞拼薄餅：牛肉同雞肉都烤得十分乾身，如果能夠保持肉汁會好一點。雖然過於乾身，不過加上洋蔥、茄蓉、芝士…配菜夾左墨西哥薄餅內同食，能夠略為補救烤得過火的不足之處。
三式露比漢堡：漢堡雖小，但麵包仍能保持外脆內軟的好處。三種味道分別為牛、雞、蟹肉。其中以蟹肉最好吃，有蟹肉的鮮甜，味道比較清新。雞肉則比牛肉留有更多肉汁，味道分別卻不大。
朱古力tallcake：之前食過士多啤梨味覺得唔錯，所以對呢個朱古力味都滿有期待。可惜既係朱古力味顯然有所不及，朱古力蛋糕乾身不夠鬆軟又太大份，令雪糕、忌廉比例上變得太小，雪糕、忌廉食完後還餘下一大塊蛋糕。士多啤梨味tallcake在味道和比例配搭上都較出色。
兩個人食兩個主菜，真係有點多。還是建議一頭盤、一主菜、一甜品的美式餐廳二人方程式，想試多幾個菜式的朋友，還是多找幾個人同行吧。
總結：份量大、半價抵食、適合多人同行朋友聚會
張貼
