蒲點美式酒吧 (已結業)

之前食過兩次覺得幾抵食。$110唔駛！所以同屋企人嚟食下。做緊優惠$103。。抵過之前wo!但去到發現牛扒同羊膝都要加$20。之前唔駛架！如果食牛同羊就貴左。加埋一要$125。而且沙律同麵包選擇好似比之前少左。不過味道幾好嘅。中意食薯仔沙律。蝴蝶粉沙律。今次有我好愛嘅南瓜。仲有兩款ham同鴨胸。有兩款包同麵包條。之前麵包有成4-5款架。有牛角包架。今次無...甜品一次有5-6款。每碟食完有機會會轉款。藍梅撻。牛古力牛油蛋糕，糯米糍，麵包布甸都好食。之前有桂花糕同班蘭蛋糕都好好食。今次無😞仲有木瓜雪耳糖水。不過麻麻地。雪糕有兩款味道介紹完自助吧。講下主菜先。叫左雞扒。唔錯。唔會乾真真。又唔會鞋！牛扒比之前薄左。但味道都唔錯！同大塊嘅！羊膝。都幾夠淋如果唔食主菜。可以就咁食自助bar $76+10%野飲都係自助任飲其實都好夠。我地五個人都係叫左三個主菜。