SAVVY

今日同友人去試咗呢一間酒店嘅半自助餐，上網成日睇到人哋介紹，知道係主打東南亞款式嘅自助餐，個人覺得都比較特別，不過一直都未有機會去試。佢係半自助餐嚟嘅，我哋今次就試咗午餐。主菜都有好多選擇，今次我哋揀咗呢兩隻主菜：🥢泰式黃咖喱雞配白飯：黃咖喱味道唔會太過辣，配有少少椰汁嘅味道，雞肉都嫩滑，咖喱味道恰到好處。🥢香葉蘿蔔炆牛肋條配白飯：蘿蔔好甜，牛肋條已入晒味，肉質鮮甜，熬製需時，整體感覺製作夠晒時間，所以好腍。另外介紹吓出邊嘅自助餐區域：有兩個湯，中湯係粉葛排骨，西湯蕃茄湯另外有多款自家的麵包，好新鮮。沙律區有新鮮配菜，另外亦有莎樂美腸等等… 另外海鮮都不錯，有蝦，，翡翠螺，大蜆，小龍蝦，青口。冷盤有：欖菜四季豆，川式蓮藕，陳醋木耳，辣汁鴨胸、香菇栗子等等… 食材好新鮮，冷盤類都會轉款，職員服務態度很好👍🏼👍🏼👍🏼