The Grill Room (銅鑼灣廣場二期)

平安夜日頭臨時搵餐廳，估唔到都仲搵到😂餐廳環境闊落，光線柔和，裝修以黑白色為主，感覺好classical、個日咁啱撞整有公司搞partyLunch set $98前菜同甜品都係自助形式，沙律嘅選擇好多，甜品就得2-3樣。最推介炸物，有薯條、炸魚、炸雞，留意住幾時refill，新鮮炸起食熱辣辣又脆口！餐湯蕃茄湯嘅蕃茄未非常強烈，食到蕃茄籽，有啲似飲緊稀釋咗少少嘅蕃茄汁🤣之後因為廚房話蕃茄湯賣曬，所以俾咗蘑菇忌廉湯我哋，蘑菇味好香，好飲過蕃茄湯😂Main嘅選擇好多，有pasta, risotto, 唔同嘅protein香煎雞卷配薯蓉西蘭花苗 +$68雞皮煎得好脆，雞肉唔會好柴，中間包住帶芝士味嘅雞肉餡，令成個卷嘅雞肉有兩種口感。薯蓉嘅奶味都幾重，好creamy。配菜西蘭花苗同甘筍都輕輕烤過嚟，好香口。🥰卡邦尼扁意粉 +$48食落好cheesy，煙肉份量頗多，意粉質地煙韌，但食多咗就覺得膩。🤧香草番茄醬青口扁意粉 +$58番茄醬同蕃茄湯嗰味同出一轍😂青口嘅份量都幾足！環境一流，開頭食咗哋啲前菜同炸物都飽飽哋🤣 主食都高質！