蘇媽.蘇媽馬來西亞茶餐室 (已結業)

我有時會掛住蘇媽蘇媽的招牌砂煲老鼠粉。裡面的材料包括銀針粉、豬肉碎、魚乾、豬油渣及雞蛋。食之前要撈勻，咁每一啖都有以上嘅材料，味道非常豐富。而且熱辣辣，其實幾啱冬天食。我會配上一杯熱嘅馬來西亞奶茶，一解油膩感。奶茶係用兩個杯子拉利拉去，拉得越長泡沫會越多，味道就會更加好飲。你睇呢杯馬來西亞奶茶～都算幾多泡沫。香滑茶味濃郁。最後會食返個椰香咖央多士。當佢係甜品咁食。多士拱得香脆、牛油味香、咖央醬甜滑，加上耶香，perfect!!