影片
更多
2017-03-04
2732 瀏覽
近6年間，前前後後因唔同原因，去咗3次新加坡，有身邊嘅朋友都覺得稀奇，有啲話去新加坡一次都嫌多，都無咩嘢好玩，其實都唔喺吖，城市規劃幾好，地方乾淨整潔，最鍾意去啲好屋村嘅熟食中心搵食，好有種返到自己細個時長大嘅屋村咁。不過，去咁多次，就一次都無幫襯過當地嘅「土司工房」，有次晌機場少少趕時間而過門不入。點解咁有興致同朋友嚟嘆下午茶？平常報咗旅行團都會開吓茶會，就嚟出發自由行去日本，就梗要拉埋啲團友仔講講個行程，交待一下啲細節。土司功房位處新世紀廣場嘅食代館，旺角火車站樓上，啱晒我哋九龍人同新界人，但佢本身又入咗鋪，所以揀入鋪坐又得，揀美食廣場位都得。啱啱遇到鋪內有位，就無謂再四圍走。環境以白色為主，簡潔光猛，一室白地磚，牆上少少掛飾，有無少少南洋風情呢？兩頁紙嘅餐牌，就印齊晒店家所有食物，一面喺散點嘅食物及飲品，另一面就喺各類套餐。晌櫃面落單後，會俾個傳呼器你，等佢響就有得拎嘢食。星洲叻沙套餐 $56碗叻沙又大碗，又足料喎，有鮮蝦、魚片、豆卜及唔少芽菜，友人話啲餸料就無話好出色，質素平穩咁啦，但個湯底確喺一流，除咗濃郁富椰香之外，下咗唔少香料，香味好有層次，再者，個湯夠厚身，好掛麵，所以
點解咁有興致同朋友嚟嘆下午茶？平常報咗旅行團都會開吓茶會，就嚟出發自由行去日本，就梗要拉埋啲團友仔講講個行程，交待一下啲細節。土司功房位處新世紀廣場嘅食代館，旺角火車站樓上，啱晒我哋九龍人同新界人，但佢本身又入咗鋪，所以揀入鋪坐又得，揀美食廣場位都得。
啱啱遇到鋪內有位，就無謂再四圍走。環境以白色為主，簡潔光猛，一室白地磚，牆上少少掛飾，有無少少南洋風情呢？
兩頁紙嘅餐牌，就印齊晒店家所有食物，一面喺散點嘅食物及飲品，另一面就喺各類套餐。晌櫃面落單後，會俾個傳呼器你，等佢響就有得拎嘢食。
星洲叻沙套餐 $56碗叻沙又大碗，又足料喎，有鮮蝦、魚片、豆卜及唔少芽菜，友人話啲餸料就無話好出色，質素平穩咁啦，但個湯底確喺一流，除咗濃郁富椰香之外，下咗唔少香料，香味好有層次，再者，個湯夠厚身，好掛麵，所以，炷炷麵都沾滿汁，好食到唔停。
南洋奶茶（星洲叻沙套餐）如果落單時同店員講要奶茶，佢會俾煉奶底嘅奶茶過你，若你喺想飲搵花奶沖嘅，就記得講話喺紅茶加花奶。奶茶睇落色澤較淡色，奶嘅成份偏重，茶底唔錯，入口亦算順滑。
傳統土司套餐 $35套餐有一份牛油咖椰土司配兩隻半熟蛋，不過友人唔喺咁食得生嘢，所以，半熟蛋改為煎蛋，配杯南洋咖啡。份土司切得幾工整，內裡塗滿咖椰醬，清甜有微微斑蘭香，插咗一片厚牛油，稍稍溶啲，好香滑；煎蛋始終無半熟蛋咁多話題性，不過，蛋黃仍有少少流心。
南洋咖啡 +煉奶（傳統土司套餐）咖啡亦可以加煉奶或花奶，小弟就揀前者，仲記得嗰時去馬來西亞旅行，成個行程去咗唔少次「舊街場」嘆白咖啡。咪睇杯咖啡好多泡，佢哋好似拉茶咁「拉」咖啡，雖然非用花奶，一樣醇香順滑。
雖然喺餐下午茶，但喺一餐半馬嘅下午茶，因為點少少嘢，就坐咗兩個鐘，兩個鐘喺小弟跑半馬嘅時間，邊食邊講解行程，大家有講有笑，真喺未出發，先興奮！
張貼
