君好扒燒西餐廳 (已結業)

與友人聚舊，想搵一間有水準餐廳食飯，友人建議去南洋酒店君好扒房食半自助餐形式石燒套餐。一坐低，先來杯酒精飲品，可以同良朋知己暢飲一番。去沙律吧走一轉，沙律菜爽脆，前菜有凍蝦、煙三文魚、青口、煙絞魚等，相當豐富，大廚更經常補給。食完餐前小食輪到即叫即焗酥皮海鮮龍蝦湯，熱辣辣又足料，蒜蓉多士配黑松露醬，好講究。當晚主角石燒我選了牛柳配大蝦，食材夠新鮮，一放落石板上就香氣撲鼻，雖然食餐前小食已經半飽，面對新鮮熱辣牛肉及大蝦都無法抗拒，有得玩又有得食，樂趣無窮。食完同朋友傾吓計，又來一轉甜品及生果，非常非常滿足。除了石燒，仲有石鍋燒，下次一定會試。值得一提服務一流，好耐心教大家烹調方法及時間，酒店果然就是酒店。環境舒適，三五知己聚舊無得彈，朋友果然好介紹。