影片
更多
2022-11-16
388 瀏覽
南海二號早個星期，約咗班朋友到銅鑼灣南海二號食飯，餐廳新開張，裝修好靚，满天燈光閃閃，氣派非凡 !! 餐枱上有個地球儀擺設，加上一幅古色古香嘅中國畫，很有情調，而且每張枱都隔得幾開，有空間感同私隱，好適合一班朋友食飯傾計，唔會嘈到人亦唔會比人嘈到。 開餐啦~叫咗幾個餐前小菜醒吓個胃先 ~川味牛筋涷，有少少麻少少辣，十分開胃，正！ 前菜仲有冰鎮鮑魚，好爽口彈牙，少少酸酸辣辣，又有蒜香味，廚師仲好細心地將鮑魚切片，方便食用。 金榜醬煮大蝦，個汁好濃，有小小似喇沙，蝦有預先炸過，所以個殼都可以食埋，香脆可口，最後個炸饅頭沾上金榜醬汁食，非常野味，每次睇到張食物相都好想再去食，yummy !! 片皮鴨，油香肉滑，餅皮厚薄適中，包埋一齊食岩岩好，唔會漏！每塊餅皮之間都有一張牛油紙分隔，夾起上黎非常方便 !! 香茅原條海斑：再一次要讚吓廚師，上碟非常有心思，完全感到到條魚栩栩如生，異常生動，味道似避風塘加泰式香料嘅合併，感覺清新，魚塊香脆。面珠登同魚腩位，較少炸漿，更食到魚嘅鮮香味。 最後到甜品時間，脆皮朱古力捧！剩係睇個名，以為係普通嘢，點知一上枱，就比佢賣相吸引住，加上味道有驚喜！外型栩栩如
早個星期，約咗班朋友到銅鑼灣南海二號食飯，餐廳新開張，裝修好靚，满天燈光閃閃，氣派非凡 !!
餐枱上有個地球儀擺設，加上一幅古色古香嘅中國畫，很有情調，
而且每張枱都隔得幾開，有空間感同私隱，好適合一班朋友食飯傾計，唔會嘈到人亦唔會比人嘈到。
開餐啦~
叫咗幾個餐前小菜醒吓個胃先 ~川味牛筋涷，有少少麻少少辣，十分開胃，正！
9 瀏覽
0 讚好
0 留言
前菜仲有冰鎮鮑魚，好爽口彈牙，少少酸酸辣辣，又有蒜香味，廚師仲好細心地將鮑魚切片，方便食用。
金榜醬煮大蝦，個汁好濃，有小小似喇沙，蝦有預先炸過，所以個殼都可以食埋，香脆可口，最後個炸饅頭沾上金榜醬汁食，非常野味，每次睇到張食物相都好想再去食，yummy !!
片皮鴨，油香肉滑，餅皮厚薄適中，包埋一齊食岩岩好，唔會漏！
每塊餅皮之間都有一張牛油紙分隔，夾起上黎非常方便 !!
香茅原條海斑：再一次要讚吓廚師，上碟非常有心思，完全感到到條魚栩栩如生，異常生動，味道似避風塘加泰式香料嘅合併，感覺清新，魚塊香脆。面珠登同魚腩位，較少炸漿，更食到魚嘅鮮香味。
最後到甜品時間，脆皮朱古力捧！
剩係睇個名，以為係普通嘢，點知一上枱，就比佢賣相吸引住，加上味道有驚喜！外型栩栩如生。酒味香濃，加上軟朱古力，很合襯，下層係棉花糖。晚餐加埋個甜品，哩餐飯非常滿足！
張貼
