八方台式麵屋 (新都城中心二期)

營業中

休息中

今日收工行經新都城，見到一間台式店舖門口企左好多人。原來係食台式菜式，於是同朋友決定一試。一打開菜單見到有套餐，於是二話不說即刻叫咗兩個套餐試吓。一個係台式滷肉面配花枝丸。台式滷肉面嘅魯肉有些少肥，但係入口軟綿綿，撈落面度十分之惹味。花枝丸炸得香脆，內裏彈牙，調味甚佳，值得一試。另一個套餐係韭菜餃子湯麵配炸豬排。麵平平無奇，餃子食起嚟同八方雲集差不多應該同一貨源。我哋就叫咗兩杯嘢飲分別係珍珠奶茶同埋桂花烏龍茶。桂花烏龍茶聞落去時有好清新嘅桂花味，但飲起上嚟只有些少味道嘅桂花。