興中會 (已結業)

想去飲茶但係又唔想去返我哋平時去開嗰間，咁我就用apps求其查下啦! 咁啱個apps有半價優惠。餐廳的位置只有一條走廊的位置，只有數張枱。侍應態度都幾好，餐廳冇點心紙，想食咩就同侍應落單。興中會蝦餃皇， 蝦餃大大粒，皮都有煙韌的口感。 黑松露燒賣， 黑松露唔夠香，蝦大隻爽口。 紅豆西瓜包， 紅豆好香，味道較甜， 個包冇西瓜味，只係個包的外表似西瓜。鮮蝦炸春卷， 蝦比較鹹，春卷皮炸得好脆口。鮮竹腐皮卷， 賣相比較多油，不過幾大條，好足料。xo醬煎腸粉， 腸粉好滑，有xo醬，有蛋一齊煎，只係加甜豉油食已經覺得夠味。荷葉蒜蓉海蝦飯蝦新鮮彈牙，蒜蓉味好香，不過個飯冇味， 要加甜豉油先至有少少甜味。