影片
更多
2023-07-13
110 瀏覽
由佢啱啱開幕已經有留意佢 (好似好變態咁🫣)終於有機會試到，期待已久本身得大阪燒同烤蛋糕，近期新出咗窩夫同焦糖卡士達芋泥杯！今日大部份烤蛋糕售罄，剩得朱古力味，命中注定我要試窩夫😗飲品最出名係豆乳系列，其次有梳打同綠茶/烏龍茶系列🍵▶️ 帶子大阪燒 ($98)大阪燒有四款餡料：帶子、蜆肉、章魚、蝦，全部即叫即做材料主要有粟米粒、椰菜、蟹柳、麵粉、雞蛋，口感豐富帶爽脆珍珠帶子細細粒但好足料，佈滿成個大阪燒，每啖都食到🤩大阪燒感覺唔會好厚好粉漿，入面嘅蛋仲保持濕潤度醬料有經典嘅大阪燒醬油同沙律醬，醬唔會厚過大阪燒本身👍🏻不過覺得有啲太鹹，輕手返少少就好啦面頭灑上大量木魚碎同青蔥，和風味up🇯🇵▶️ 章魚大阪燒 ($78)同上面差唔多，只係換上粒粒章魚🐙章魚同樣足料，咬落彈牙唔硬▶️ 丸久小山園抹茶醬窩夫 ($128)有三款口味：黑芝麻、焙茶、抹茶抹茶控當然揀抹茶味💚窩夫同大阪燒一齊上，所以食嘅時候已經凍咗有趣係佢本身唔係外脆內軟type🧇而係似厚實嘅蛋糕味道可能同烤蛋糕一樣 (懷疑用同一個粉漿)，只係換咗個形式出現😂窩夫偏黃，帶有香濃蛋味🥚估計主要用蛋黃，未必有加打發咗嘅蛋白，所以唔係鬆軟戚風蛋
本身得大阪燒同烤蛋糕，近期新出咗窩夫同焦糖卡士達芋泥杯！
今日大部份烤蛋糕售罄，剩得朱古力味，命中注定我要試窩夫😗
飲品最出名係豆乳系列，其次有梳打同綠茶/烏龍茶系列🍵
▶️ 帶子大阪燒 ($98)
大阪燒有四款餡料：帶子、蜆肉、章魚、蝦，全部即叫即做
材料主要有粟米粒、椰菜、蟹柳、麵粉、雞蛋，口感豐富帶爽脆
珍珠帶子細細粒但好足料，佈滿成個大阪燒，每啖都食到🤩
大阪燒感覺唔會好厚好粉漿，入面嘅蛋仲保持濕潤度
醬料有經典嘅大阪燒醬油同沙律醬，醬唔會厚過大阪燒本身👍🏻不過覺得有啲太鹹，輕手返少少就好啦
面頭灑上大量木魚碎同青蔥，和風味up🇯🇵
帶子大阪燒
$98
6 瀏覽
0 讚好
0 留言
▶️ 章魚大阪燒 ($78)
同上面差唔多，只係換上粒粒章魚🐙章魚同樣足料，咬落彈牙唔硬
章魚大阪燒
$78
6 瀏覽
1 讚好
0 留言
▶️ 丸久小山園抹茶醬窩夫 ($128)
有三款口味：黑芝麻、焙茶、抹茶
抹茶控當然揀抹茶味💚
窩夫同大阪燒一齊上，所以食嘅時候已經凍咗
有趣係佢本身唔係外脆內軟type🧇而係似厚實嘅蛋糕
味道可能同烤蛋糕一樣 (懷疑用同一個粉漿)，只係換咗個形式出現😂
丸久小山園抹茶醬窩夫
$128
4 瀏覽
0 讚好
0 留言
窩夫偏黃，帶有香濃蛋味🥚估計主要用蛋黃，未必有加打發咗嘅蛋白，所以唔係鬆軟戚風蛋糕質感🍰
就咁食會有啲乾同難啃，好彩上面有兩球朱古力同雲呢拿口味雪糕🍨凍凍地又可以增添甜味
另外亦有兩嚿忌廉，只係自己麻麻地忌廉🙈覺得有啲extra
旁邊有香蕉🍌、士多啤梨🍓、藍莓🫐生果，令窩夫冇咁寡
碟上面灑上抹茶粉同糖霜做裝飾，打卡出嚟靚啲
抹茶味主要來源係旁邊一兜抹茶忌廉，的確有抹茶苦澀味，不過偏淡，同埋質感好泡泡 (本身以為係抹茶醬，諗住淋上窩夫，點知佢太杰😂，最後用點嘅方式食)
個人覺得如果用烤蛋糕個抹茶醬會正啲，抹茶味會香濃突出啲🤏🏻
▶️ 焙茶豆乳 (+$29)
有好香濃嘅焙茶味，仲食到粒粒粉
用上豆乳冇牛奶咁甜🥛
冰塊唔多唔會溝淡味道👅唔錯
▶️ 蜂蜜柚子梳打 (+$19)
底部係柚子蜜，有真柚子皮，酸酸甜甜🍹
溝埋苦苦地嘅有氣梳打，中和甜味
夏天飲幾解渴
▶️ 西柚綠茶 (+$19)
有漸變效果，顏色似日落🌅
可惜底部西柚糖漿飲落有藥水味同太甜🤥可能因為綠茶唔夠苦
溝勻咗就好少少，不過都唔太推介大家試呢個
焙茶豆乳
12 瀏覽
0 讚好
0 留言
-
賣相好吸引，打卡出嚟好靚📸
大阪燒好足料👍🏻值得一試
窩夫就見仁見智，如果你係鍾意外脆內軟type，呢個未必啱你口味
但若果你係鍾意蛋糕質感，叫呢個就冇錯😉
始終可能佢個招牌烤蛋糕最出色，今日冇機會幫大家試到，嗰個嘅醬較窩夫多，自然口味會濃郁啲，聽講仲有蕨餅同丸子🍡
十分推介豆乳飲品系列✨跟餐加$29就飲到，抵飲
舖頭比較難搵，雖然係地舖，但佢係商場入邊嘅地舖 (我哋喺外面兜咗一個圈先搵到)
環境用上木系枱凳，感覺簡約乾淨
服務好好，女侍應好有禮貌好幫得手☺️
上菜速度比較慢，因為廚房得一個人，加上全部即叫即做，慢工出細貨，大家要耐心等候～
性價比高，無論大阪燒定窩夫都好大份，可以2-3人分享
大概$130/人，有飲品甜品，抵食！
張貼
