玉桃軒酒家 (鱷魚恤中心)

營業中

休息中

尋日去咗玉桃軒酒家嘆茶🫖平日都好多人，滿哂！試下佢哋嘅即叫即蒸點心，真係一個非常滿意嘅體驗。呢度嘅服務非常好，點心即叫即蒸，好快就送到我哋枱上，新鮮熱辣辣，非常好味。首先上枱嘅係玉桃蝦餃皇。蝦餃皮薄透光，內裏包住大大隻鮮蝦，蝦肉鮮甜彈牙，口感非常豐富。薑葱牛栢葉係另一道必試嘅點心。牛栢葉煮得非常入味，薑葱嘅香氣滲入每一絲牛栢葉，口感爽脆。酥炸鯪魚球外脆內嫩又彈牙，每一粒鯪魚球都炸得金黃酥脆。咸菜黑椒豬大腸係一個非常有特色嘅點心。豬大腸煮得非常入味，有黑椒嘅香氣。豬大腸爽脆多汁，配埋咸菜，味道非常獨特。安格斯牛肉腸粉用料非常講究，牛肉嫩滑多汁，腸粉薄而滑溜。牛肉味香濃。最後係古法馬拉糕，呢個傳統甜品非常受歡迎。馬拉糕鬆軟，甜度適中。每一啖都感受到傳統嘅味道。玉桃軒酒家嘅即叫即蒸點心真係非常值得一試。每一道點心都新鮮熱辣，味道好，而且服務亦都好。如果你鐘意食點心，可以試下！