媽咪雞蛋仔 (已搬遷) 新店位置

媽咪雞蛋仔一直都有好多人推介，今次因為到左晚飯時間又唔想食正餐，所以終於可以試試佢鋪頭細細，不過好細心咁擺左幾張櫈仔比你等雞蛋仔既時候唔洗企得咁攰 成個鋪面都痴滿晒唔同雜誌既報導，證明佢既人氣幾高！今次叫左粒粒朱古力雞蛋仔($20) 落單既時候姨姨會講比你聽要等幾耐，當時我就等左大約10分鐘。 一拎上手就知道係幾新鮮，熱辣辣！雖然$20一底雞蛋仔都幾貴，但佢既份量唔少，女仔真係可以當正餐食 雞蛋仔外脆內軟，外層即使擺耐左少少都唔會淋晒，而內餡十分軟熟，朱古力味好夠，真係粒粒朱古力