小鍋霸 (Imperial Kennedy) (已結業)

呢間喺堅尼地城嘅餐廳，湯底款式非常多，我哋就揀咗藥膳椰子雞鍋。湯底清清甜甜顏色奶白，雞肉嫩滑。🐥～～～而套餐方面就有三款可以選擇。我哋揀嘅Prime Grade牛肩胛肉及西班牙無激素豬肉片套餐，l包咗台式特飲任飲同埋雪糕一杯。豬肉片食落有少少似日本四元豚嘅質感，好軟滑。🐷～～～呢間火鍋店嘅飲品真心值得推介。蜂蜜綠茶、熱香芋雪香、凍檸茶全部都有高質茶記水準，好懷疑佢哋廚房水吧同事係咪喺邊一間出名茶記做過。而且全部飲品都可以自選甜度同埋冰量，貼心。個人最鍾意就係香芋雪香，裏面有少少麥片好健康，熱辣辣又順喉，令人一天嘅疲勞盡消。～～～火鍋料方面有好多款都有特色。奶油南瓜包、🐟方形魚腐、芋泥貢丸、甜不辣、芫荽燒賣都係出面冇見過嘅。南瓜包入邊有扎實嘅南瓜泥，香甜香甜的。～～～🥟手工黑松露芝士豬肉餃屬誠意之作，咬落去有拉絲嘅效果，記得趁熱食，如果唔係芝士就做唔到流心效果。～～～另外佢哋嘅蔬菜裏面亦都有高質嘢可以揀，萵筍紫蘿蔔全部都新鮮無根，同甜甜地嘅椰子湯底非常合拍，仲有健康貴價嘅羽衣甘藍等等。