酩町 (已結業)

今晚約左舊同事晚飯聚舊，舊同事係附近返工，就帶左我黎呢間係金馬倫道既日式串燒居酒屋，居酒屋裝修呈日系風格，有長長既吧檯位置，可以一邊望住師傅燒烤，一邊傾計食晚飯，而且餐廳樓底非常高，感覺非常寬敞。蟹子沙律每次到日式餐廳必點既沙律就係蟹子沙律，配料有青瓜、蟹柳同埋蟹籽，配埋日式沙律醬，感覺清新。燒鱈魚乾鱈魚乾燒到微焦，脆卜卜，非常惹味可口。日式炸雞烤雞雞肉嫩滑，外層粉漿唔會太厚，配上沙律醬汁，中和油膩感。燒越南海蝦海蝦非常大隻，肉質彈牙。炭燒墨魚墨魚口感滑嫩爽口，味道鮮甜，燒過既更香。手羽中手羽只有鹽來調味已經好夠味，外皮燒到焦香，味道咸咸地好惹味。厚切一口煙燻豬腩肉厚切既豬腩肉更具質感，食落外脆，肉質略為偏硬，帶有陣陣煙肉味，豬肉味濃。月見免治雞肉棒燒烤味濃，配埋月見汁就口感幼滑，而且帶出濃濃雞肉鮮味。榨西瓜汁清涼既夏日點一杯鮮榨西瓜汁真係非常解渴。