Red Rice 米飯主題餐廳 (億利工業中心)

營業中

休息中

呢排比較多係呢間餐廳食飯，下午茶時段嚟食都幾抵，大份又唔貴。今次試下巨人漢堡蛋包飯，原來都幾大份下。-巨人漢堡蛋包飯除咗有大大塊漢堡同蛋包飯，仲有份量唔少嘅沙律。沙律都幾清新，沙律菜爽脆不膩，食得太滯仲有解膩作用。蛋包飯都做得唔錯，蛋炒得幾滑，仲食到微微蛋香同蛋漿。漢堡都幾厚身，入口軟腍。-特濃唂咕（熱）未飲過唂咕嘅我見到下午茶加配呢款飲品唔使加錢，即刻好好奇飲起嚟係咩味。落單個陣有問店員係咩，佢有提我地呢杯野都幾苦，唔係朱古力咁簡單。為咗滿足好奇心，最終都叫咗嚟飲。飲落真係幾苦，有少少似好濃但無糖嘅朱古力。後尾都係頂唔順，落咗啲糖會好飲啲。