Chop Chop 食神叉燒 (宏安道) (已結業)

今日專程過嚟炮台山食叉燒，真係返唔到轉頭，以後對於叉燒既要求只會越嚟越高!離地鐵站好近，行到街口就見到呢間食神叉燒，佢既裝修好型格而且保留咗舊時香港既風味! 入到去既感覺好乾淨企理同埋燈光都柔和，好舒服同埋勁香既叉燒味! 望到佢既menu真係種類繁多而我地咁為食就當然食二人餐啦，相對真係抵食同埋試到唔同菜式!凍檸茶&凍奶茶都一D不普通，茶底非常濃郁所以飲落好順喉同埋茶味充滿整個味蕾。我飲既奶茶既奶味亦都好香滑，一嚟已經好滿足!梅頭叉燒&切雞雙併呢個真係冇得輸，叉燒整得靚唔在講，切雞既肉質鮮嫩厚實同埋雞味濃郁，配合埋佢既薑蓉送飯真係一流!叉燒都有跟個醬，令叉燒本身個香味更加提升，層次非常豐富。肉質方面肥瘦適中咬落軟淋，真係好正宗好食既叉燒!我明點解會食到家燕姐感嘆以後食唔返咁點算，因為真心好出色!飯方面亦都加咗適量既藜麥，令本身平平無奇既白飯都好有咬口，再跟個例湯，超級正!另外仲有蝦仁炒蛋，蝦仁好彈牙同埋新鮮，完全冇雪味同埋大大隻!蛋炒得岩岩好再加上有大量蔥花點綴，送飯岩哂!仲有個啫啫生菜煲，蝦醬同埋蝦乾味好濃郁仲有真係原煲上，好食又惹味!