十二味麻辣小當家 (已結業)

今晚同男朋友慶祝生日，知道佢鐘意食辣就特登訂左《十二味麻辣小當家》同佢試下。去到原來餐廳係分開左兩邊，一邊係食乾鍋、米線另一邊就係食川菜嘅。因為前幾日先食左乾鍋所以咁我地今晚就試下川菜喇。入到去坐低一陣大少就決定左食咩喇，我地叫左十二味特色沸騰魚、涼拌土豆絲、酸辣木耳同埋四川冰粉。十二味特色沸騰魚(小辣)入面有幾種唔同嘅新鮮辣椒同辣椒乾加埋花椒八角，初初食落唔覺得辣但愈食就愈辣，食到出哂汗。魚啖啖肉好滑但有些少骨，整體上好惹味，會拎你食幾碗飯。 酸辣木耳微辣重酸味，帶少少酒香，好開胃。涼拌土豆絲小辣，薯仔絲十分爽口而且好入味，推介! 四川冰粉初初叫個陣以為真係凍嘅少黎...黎到先知係甜品。食落好冰涼兼且有好香甜嘅桂花味，解辣一流，一食就唔覺