茶理史 (已結業)

約左一大班朋友喺葵芳開party，因為唔想飲汽水，又唔想飲清水，所以就托朋友路過葵廣時幫我去茶理史買嘢飲。上網研究左好耐，終於決定要飲原朵蜜絲大皇菊甜茶。原因嘛，就係覺得開party食咁多嘢一定會好滯，而且d食物都熱氣，所以飲茶幫助下消化同清熱比較好。而且見到個包裝…個樽身夠高夠直，加埋個樽入面有一大朵大皇菊，我覺得好吸引!然後再睇埋介紹，話呢種茶有好多功效，除左幫助消化吸收，仲有助祛風、潤喉、解酒、降血壓、調整心肌功能、降低膽固醇… 雖然唔知係咪真係咁有益，但味道真係幾清甜。而且當日其他飲汽水同紙包飲品嘅朋友開完都話喉嚨有d乾想飲水，但我就無呢種感覺，所以我覺得潤喉方便係有效XD