職人食事 (已搬遷) 新店位置

過開黎觀塘做野都幾中意上駱駝漆搵野食，選擇好多，又唔錯水準。哩間黃店之前上網見到都想試，今次黎開就坐低食個late lunch。我同朋友大概3點黎到，lunch果輪完左人比較少，所以可以慢慢食。之前一直以為食日本野，原來西式既意粉、意大利飯果d都有得食。吞拿魚腩油脂豐富，基本上係入口即融，三文魚厚切新鮮，帶子刺身朋友食，我本身唔食，所以唔特別評論。白松露辣肉腸扁意粉一上枱已經聞到好香既松露香味，意粉煮到剛好，辣肉腸同蘑菇既配料都幾足。俄羅斯烤牛忌廉闊條麵哩個口味好特別，我暫時未試過喺出面食到，食到有肉桂果陣香味，口感好creamy，帶有少少酒味，牛肉肉汁濃，係用左hanger steak哩個部位，真係幾唔錯，份量又十足。