和拉麵

營業中

休息中

今日難得係大埔食日本嘢，入面裝修好日式、空間寬敞，店員同客人都會傾吓計，感覺溫馨。睇睇menu，有三款拉麵選擇，簡而精，而我同朋友就分別叫咗辛辣拉麵同味噌拉麵。而我個碗就係味噌拉麵、軟身、普通蔥量。第一啖飲個湯好有驚喜，好濃味噌，而麵夠軟。而溏心蛋流心得嚟入味，配合埋肥叉燒，整體嚟講成個拉麵好惹味。辛辣拉麵叫咗小辣、硬身、多蔥。朋友本身唔食得辣但係都完全接受到呢度小辣，而且仲話辣味幾香，湯底濃而唔會過咸，麵質硬身好夠口感同埋掛湯力夠。 總結而言，呢間拉麵店尚算高質，值得一試。