影片
更多
2018-10-26
3525 瀏覽
今日突然之間好想食韓燒，係旺角放工近近地同朋友去左東大門。一出地鐵站就到, 一定會見到佢大大個招牌, 地方超方便。我地6點半去到, 可能時間尚早，可以任選坐位, 店員安排左我地坐低之後，我地就去行左圈睇下有咩食。我地叫左個任食PLAN，計埋加一大概200蚊左右, 可以TICK紙叫韓燒既食物之外, 出面自助區都係任食既, 至於餐廳都有加錢叫其他食物, 不過相信我地就咁點燒既野食加出面自助區都應該好夠飽!! 介紹一下自助區既食物!! 真係幾多, 熱盤有豬腳薑, 成條粟米, 豬皮魚旦…冷盤有壽司, 韓式前菜…熱湯都有3款可以揀, 炸物有薯條, 春卷…炒飯炒麵菜都有好多好多選擇, 仲要小小甜品同埋幾款生果!!!!真係好多野食!! 甜品樣樣都Keep到水準。湯又好足料，特別係個人參湯，參味好濃，正！任點既食物種類主要係肉類品多, 豬牛雞羊都有, 另外仲有小小魚類同蔬菜, 落完單，啲野食好快送到黎。碟蝦同蜆係跟餐送既，二人分量都好多。蜆雖然細隻，但鮮甜。蝦唔係細隻既蝦仔，燒完之後蝦膏多到要爆出黎，厚肉。我地就咁食無加調味都已經好夠味。另外我地仲叫左原條五花腩、牛脷、金菇肥牛、牛肋骨、海墨魚仔、魷魚
我地6點半去到, 可能時間尚早，可以任選坐位, 店員安排左我地坐低之後，我地就去行左圈睇下有咩食。我地叫左個任食PLAN，計埋加一大概200蚊左右, 可以TICK紙叫韓燒既食物之外, 出面自助區都係任食既, 至於餐廳都有加錢叫其他食物, 不過相信我地就咁點燒既野食加出面自助區都應該好夠飽!!
介紹一下自助區既食物!! 真係幾多, 熱盤有豬腳薑, 成條粟米, 豬皮魚旦…冷盤有壽司, 韓式前菜…熱湯都有3款可以揀, 炸物有薯條, 春卷…炒飯炒麵菜都有好多好多選擇, 仲要小小甜品同埋幾款生果!!!!真係好多野食!! 甜品樣樣都Keep到水準。湯又好足料，特別係個人參湯，參味好濃，正！
任點既食物種類主要係肉類品多, 豬牛雞羊都有, 另外仲有小小魚類同蔬菜, 落完單，啲野食好快送到黎。碟蝦同蜆係跟餐送既，二人分量都好多。蜆雖然細隻，但鮮甜。蝦唔係細隻既蝦仔，燒完之後蝦膏多到要爆出黎，厚肉。我地就咁食無加調味都已經好夠味。
另外我地仲叫左原條五花腩、牛脷、金菇肥牛、牛肋骨、海墨魚仔、魷魚鬚等等⋯⋯
原條五花腩咁燒真係以為自己去左韓國東大門，成條自己燒，自己剪, 再燒到個面有小小焦, 未放入口已經感覺到韓國既味道。加少少鹽喺面，又香又好夠味。肥瘦適中，有咬口。
牛肋骨都好好味，本身牛肉唔難燒，但就驚自助式既牛會唔夠新鮮。但哩間水準唔錯，唔使點任何調味已經好好味。另外驚喜既係牛脷。因為簿砌既關係，好快熟，而且口感相當好。本身唔太鍾意牛脷既我都食左好多塊。
海魷魚鬚同海墨魚燒完全唔韌，好好味。比起肉，可以叫多碟再食。
飲品放面都係自取，喺自助區有兩個雪櫃。飲品種類都係正常罐裝飲品多, 想要唔凍可以問店員，都會有。
總結，價錢平，食物種類都夠，地方都坐得舒服，店員服務唔錯，會再黎。
張貼
