影片
更多
2019-03-26
4226 瀏覽
身邊有個「牛魔王」，自然抵擋唔住熱石牛扒嘅吸引力。睇Comments似乎深水埗專門店稍勝一籌，不過我地貪就腳揀左位於厚福街嘅野郎Stone。店面好細，唔係大路而係轉左入一條橫巷，雖然排隊位置係較陰暗同污糟嘅窄巷，但無損大家對食嘅執著，平日放工時間排左差不多45分鐘先有位。門前放左部日式自助售券機，只可以用支付寶埋單，做擺設多過實用。牛扒有6個部位可選，仲有隱藏Meun牛舌，牛扒價錢唔貴，加30蚊轉套餐可以任食沙津、飯、意粉、薯蓉同湯，仲有一罐汽水，都算抵食。牛扒上台前師傅會放張紙巾係上面防止D油彈到周圍都係。牛扒本來只有1~3成熟，再按自已心水用熱石調整熟度，邊切邊聽到「渣渣」聲真係好鬼餓！分別點左牛肋間隔膜同肩胛肉眼，牛肋間隔膜肉質較柔軟兼有肉汁，200g牛配套餐對女仔黎講岩岩好。另一份肩胛肉眼肉質較硬，但牛味比間隔膜要濃郁得多。沙津唔算新鮮，都可能係個醬唔岩我口味；湯過甜味道普通；反而薯蓉我幾鐘意，夠滑又唔會太濃味，果然薯蓉同牛扒好夾。醬汁都有幾款可以揀，牛肉汁唔錯，搭埋蒜蓉食夠香。食物總體水準比預期更高，牛肉冇加鬆肉粉或者其他調味，夠原汁原味，套餐配菜未算有驚喜但性價比夠高，大胃
店面好細，唔係大路而係轉左入一條橫巷，雖然排隊位置係較陰暗同污糟嘅窄巷，但無損大家對食嘅執著，平日放工時間排左差不多45分鐘先有位。
門前放左部日式自助售券機，只可以用支付寶埋單，做擺設多過實用。牛扒有6個部位可選，仲有隱藏Meun牛舌，牛扒價錢唔貴，加30蚊轉套餐可以任食沙津、飯、意粉、薯蓉同湯，仲有一罐汽水，都算抵食。
牛扒上台前師傅會放張紙巾係上面防止D油彈到周圍都係。牛扒本來只有1~3成熟，再按自已心水用熱石調整熟度，邊切邊聽到「渣渣」聲真係好鬼餓！
分別點左牛肋間隔膜同肩胛肉眼，牛肋間隔膜肉質較柔軟兼有肉汁，200g牛配套餐對女仔黎講岩岩好。
另一份肩胛肉眼肉質較硬，但牛味比間隔膜要濃郁得多。
沙津唔算新鮮，都可能係個醬唔岩我口味；湯過甜味道普通；反而薯蓉我幾鐘意，夠滑又唔會太濃味，果然薯蓉同牛扒好夾。
醬汁都有幾款可以揀，牛肉汁唔錯，搭埋蒜蓉食夠香。
食物總體水準比預期更高，牛肉冇加鬆肉粉或者其他調味，夠原汁原味，套餐配菜未算有驚喜但性價比夠高，大胃王都絕對食得飽！環境方便空間略為窄小，坐落都幾迫，不過以呢個價錢食到大大塊牛扒，我覺得可以接受啦！唯一覺得店家要改善係店內通風，開放式廚房加上人多空間又細，成間店油煙味好重，今次坐門口位都覺得好焗，可以加強通風就更好啦！
張貼
