鮨 中本 (已結業)

我從來未食過OMAKASE（廚師發辦）壽司，一個食家朋友話呢間很正宗，所以人一世、物一世黎試試。位於中環站附近，地點好易搵，門面簡約，認住「鮨 中本」䁔簾就無錯。入面只有一張L型吧枱，可容納11人。我點了「月OMAKASE手握壽司」套餐，包括有12件壽司丶卷物丶湯和甜品。師傅炮製每一件壽司，都會好細心地切魚生和握壽司。原來師傅──中本先生，由北海道黎，有接近30年做壽司經驗，經驗老道。海鮮食材佢會親自打電話去日本落單，直接確認食材既新鮮狀態，每日空運直送抵港，非常新鮮，入口便知龍與鳯。呢度食倒既都係以傳統「江戶前壽司」製法炮製既握壽司，其他平價壽司店果啲根本無得比。壽司呈一口大小，細細粒粒容易食。老實講價錢確實唔平，但食物和服務都非常好，相對晚餐黎講午餐性價比算高，個人覺得絕對物有所值。