李家 (已搬遷) 新店位置

暫時去唔到韓國住，就嚟呢度食吓炸雞止止血先啦，同朋友食宵夜，夜晚9點幾入嚟，唔駛等，幾好喎。坐底睇吓餐牌，有好幾款炸雞揀，最後叫咗半隻蜂蜜蒜蓉炸雞，外脆內軟（不過唔記得影相），熱辣辣，真係正到爆，又有手套提供，唔駛整污糟隻手，仲有一碟蘿蔔同椰菜絲，俾你解油膩，細心到有個鐵兜俾你裝骨頭，唔夠食再叫埋呢款芝士雞蛋捲，簡直係完美，不過真係要襯熱食，凍咗就唔好食喇！埋單二百幾又唔貴，坐得又舒服，下次一定會再去幫襯！