荔園﹒流金歲月 (已結業)

荔枝角D2 Place 二期嘅"荔園" 餐廳晏晝。無影到門口正面照，但係內裡係好有心思的裝修，想呈現到好似係樂園度。卡位、四人枱座位都特登扮返啲遊戲座位咁。好明顯係親子餐廳嚟打卡啦!仲有夾公仔機、掉銀仔，可以即場玩。一路食都有啲附近放飯嘅朋友離場順利掟下銀仔。坐近麵檔嗰邊，扮到似舊式麵檔、排檔咁，好欣賞啲木餐枱椅。講返正題，餐廳係中式點心+ 茶記+ 麵檔。頹食叫咗食個午巿套餐，都有好幾款揀，點咗口水雞白飯。因為唔知份量所以唔敢再散叫其他嘢食。配咗個紫菜蛋花湯，稀稠度適中，飲得出係滾湯但係足料唔係得水，覺得偏甜，有蔥花。如果有朋友好憎嘅，記得問清楚走蔥花。口水雞，例牌份量都夠大份啊，望落唔係紅色辣椒油浸浸。嗜辣嘅朋友絕對唔啱食呢味，因為實際上係唔辣，主要靠肉碎嘅麻味吊住，但又唔夠香口。，啱好係雞胸腔位置，整隻雞已經充滿油份，走完皮都仲係油冧冧，雞肉入口唔鞋口，咬落都嫩滑。至於碗飯係一般一大碗，如果細食女仔，記得係少飯/ 半飯。雖然侍應哥哥姐姐可能會唔記得。加分位係杯蕎麥茶，淡淡地、可以去油膩感。