影片
更多
2022-09-27
1521 瀏覽
兩點鐘去到灣仔，見到雄記唔洗排隊，終於有機會去試吓啦！掃完針咭，有三張枱老闆娘任我揀，我坐喺最近廚房嗰張。呢間店最特別之處，就係有好多玩具同舊海報，仲有兩張舊戲院櫈，雖然雜物多多，但你唔會覺得佢亂。準備嗌嘢食，老闆娘第一時間同我講飯已經賣晒，咁就一碗牛雜河，加多一杯是日特飲冬瓜茶。牛雜係好味嘅，牛肺啱啱好，牛肚有彈性，不過牛腸就好韌，勉強先咬得爛嘅，湯底好好味，我差唔多飲晒！辣椒油都正。其實呢個質素嘅牛雜，好多地方都做到，不過呢度有一樣嘢，真係未必間間舖做到，就係佢哋嘅清潔，真係黐線咁乾淨，枱面啲玻璃一啲油漬都冇，隔板一啲污漬都冇，間鋪感覺好似新嘅一樣，所以鍾意清潔嘅朋友，呢間嘢200%推介
掃完針咭，有三張枱老闆娘任我揀，我坐喺最近廚房嗰張。
呢間店最特別之處，就係有好多玩具同舊海報，仲有兩張舊戲院櫈，雖然雜物多多，但你唔會覺得佢亂。
準備嗌嘢食，老闆娘第一時間同我講飯已經賣晒，咁就一碗牛雜河，加多一杯是日特飲冬瓜茶。
牛雜係好味嘅，牛肺啱啱好，牛肚有彈性，不過牛腸就好韌，勉強先咬得爛嘅，湯底好好味，我差唔多飲晒！辣椒油都正。
其實呢個質素嘅牛雜，好多地方都做到，不過呢度有一樣嘢，真係未必間間舖做到，就係佢哋嘅清潔，真係黐線咁乾淨，枱面啲玻璃一啲油漬都冇，隔板一啲污漬都冇，間鋪感覺好似新嘅一樣，所以鍾意清潔嘅朋友，呢間嘢200%推介
118 瀏覽
1 讚好
0 留言
69 瀏覽
0 讚好
0 留言
張貼
