好彩海鮮酒家

營業中

休息中

以前好鍾意去好彩飲茶，冇論邊間都有好多嘢食，每次一班人叫到成枱嘢，覺得好開心好滿足。但西營盤的好彩，總係覺得點心選擇比較少，而且仲好耐冇轉過款添。三個人食咗七個點心同一碟星洲炒米，好似多咗D呵 。炸鮮蝦雲吞唔油，酥脆香口、醬汁酸甜適中。蘿白糕因蘿白唔係季節，唔夠清甜，但都 OK。咸水角個皮做得好，烟烟韌韌好好食 、但餡料得舊肉，而且略為大咗D。芝麻煎堆仔淋咗，好失望，上次嚟食好好味㗎 。覺得今日D煎、炸嘢唔太油 ，OK 喎。跟著蒸嘅點心嚟啦，小籠包D汁比人感覺油咗小小；燒賣同覓菜餃都係隱隱陣陣唔會有特別驚喜。星洲炒米做得唔錯，香辣惹味，亞仔食完仲讚辣得嚟好好味，不過D餸就多咗D，我哋想米粉多D 。呢度已經唔係好夠伙記，做緊嘢嘅就成日時運高，明明見到但原來都睇唔到D客，經理級的職員反應就好好多，但咪做死佢哋囉。