影片
更多
2017-07-08
320 瀏覽
自從冇係中環返工之後, 好耐冇見之前一齊係中環返工嘅老友, 果陣因為大家都未結婚收工時間又差唔多, 一個月總會有幾晚約埋開餐同睇戲。適逢'豬豬俠'新一集又上映, 之前幾集都係同呢個老友睇, 咁當然要約一約咁耐唔見嘅老友睇, 聚聚舊啦。老友星期六收18:00, 所以我地約18:00係中環食完飯再睇戲, 由於我已經冇係中環返工幾年, 今次食呢間The Night Market都係老友推薦的。The Night Market都幾近蘭桂坊, 餐廳分開係2層樓。到餐廳時因為時間尚早, 我地兩個可以好似包場咁。😂不過坐左一陣食客已陸續進場。The Night Market雖然係食台灣菜, 不過裝修好華麗, 裝飾擺設甚至餐牌都好有格調, 比較似高級日式餐廳。😳店員服務好熱心, 我地坐底揀緊食咩嘅時候佢自動問我地需唔需要先點飲品。👍 咁當然, 黎台式餐廳點到要飲珍珠奶茶啦。😄The Night Market菜式都幾多, 除左有一般台式餐廳必有嘅三杯雞, 魯肉飯呢d之外, 仲有好多特別嘅菜式。除左老友推介嘅咸蛋炸苦瓜, 我黎之前都上個Openrice睇過其他人介紹, 最後點左三杯雞, 麻婆豆腐, 蚵仔酥
老友星期六收18:00, 所以我地約18:00係中環食完飯再睇戲, 由於我已經冇係中環返工幾年, 今次食呢間The Night Market都係老友推薦的。
The Night Market都幾近蘭桂坊, 餐廳分開係2層樓。
到餐廳時因為時間尚早, 我地兩個可以好似包場咁。😂不過坐左一陣食客已陸續進場。
The Night Market雖然係食台灣菜, 不過裝修好華麗, 裝飾擺設甚至餐牌都好有格調, 比較似高級日式餐廳。😳
店員服務好熱心, 我地坐底揀緊食咩嘅時候佢自動問我地需唔需要先點飲品。👍 咁當然, 黎台式餐廳點到要飲珍珠奶茶啦。😄
The Night Market菜式都幾多, 除左有一般台式餐廳必有嘅三杯雞, 魯肉飯呢d之外, 仲有好多特別嘅菜式。除左老友推介嘅咸蛋炸苦瓜, 我黎之前都上個Openrice睇過其他人介紹, 最後點左三杯雞, 麻婆豆腐, 蚵仔酥同魯肉飯。😋
呢度食物標榜不添加味精, 對我地呢代追求健康生活又識飲識食嘅人黎講當然較吸引啦。
呢度嘅珍珠奶茶唔太甜, 反而飲得出茶香味, 而且都唔細杯, 老友就揀左飲仙草奶茶。
珍珠奶茶
$38
26 瀏覽
0 讚好
0 留言
台式三杯雞份量好多, 用石鍋上, 雞肉好嫩滑, 醬油冇想像中咁濃味, 而且亦都唔辣, 味道剛剛好。😙
台式三杯雞
$96
31 瀏覽
0 讚好
0 留言
老友推介呢個咸蛋炸苦瓜非常美味, 咸蛋黃同苦瓜配搭得非常好, 外層咸蛋黃香脆之餘唔太油, 苦瓜好清爽, 雖然平時我唔會主動食苦瓜, 但呢個我非常喜歡, 下次要同老婆黎食。😋
咸蛋炸苦瓜
$82
57 瀏覽
0 讚好
0 留言
蚵仔酥比起平時食嘅蚵仔煎更好, 首先當然係比較香脆啦, 再者因為烹調時間較短, 所以蚵仔可以保存較多水份, 做到外脆內軟蚵仔肉鮮嫩多汁。點配嘅醬汁酸甜味適中, 中和到炸酥嘅油膩感。
鮮炸蚵仔酥
$62
29 瀏覽
0 讚好
0 留言
我地點麻婆豆腐嘅時候店員都好細心問過我地需唔需要少辣, 老友咁愛吃辣當然唔需要啦。呢個麻婆豆腐辣度都幾高, 我要配飯一齊食, 味道唔錯辣味同咸味都調配得好好, 豆腐好嫩滑, 有呢個餸真係可以食多兩碗飯。🍚
麻婆豆腐
$82
13 瀏覽
0 讚好
0 留言
魯肉飯魯肉嘅份量好多。😂魯肉煮得腍滑, 鮮菇味都好特出, 材料豐富, 因為仲要配麻婆豆腐食, 反而覺得唔夠飯。😂
古早魯肉飯
$60
37 瀏覽
0 讚好
0 留言
呢度只需加一冇其他雜費, 價錢係中環黎講絕對唔貴。
張貼
