八番麵工房 Deluxe (已結業)

呢幾日天氣都落住雨，所以家人都冇買餸就選擇出街食飯。上水有個好處就係好似沙田咁唔需要露天，沿途用天橋就可以去到。而今次揀咗火車站旁邊既上水廣場搵食，因為有啲鋪頭仲裝修緊，所以就試左呢間八番麵工房。蕃茄叉燒雞白湯麵 $81湯底小小偏紅色，蕃茄味唔算好濃郁，配有半隻唐心蛋、2片叉燒同粟米粒，叉燒半肥瘦，所以入口軟淋，拉麵稍為淥得淋左d，自己鐘意煙靭d口感加綠茶 $5網燒三色雞丼 $85呢個賣相都幾吸引，一碗丼飯有3串串燒，分別有燒雞翼、燒免治雞肉同埋燒雞腿肉。3款都係日式醬油口味，熱度岩岩好，唔會燒到過左火好乾身同鞋口，份量男仔食都夠飽。加雜果賓治 $20餃子 5件 $28餃子細細隻，配上薑同蔥粒，即叫即煎，煎到脆卜卜好香口。炸雞球 5件 $32同樣都係即叫即炸，配上蛋黃醬雞肉入口滑溜，連埋雞皮食非常邪惡。