京饌 (已結業)

好耐冇行開APM，襯出開觀塘就食埋飯先啦！去我頗喜歡嘅京饌，不過就要限時1.5小時。其實每次去都覺得周圍好嘈，可能樓底矮同埋多枱關係，不過最吸睛係哩個牆壁。次次都會叫四寶茶飲㗎見到推出嘅蟹粉系列menu我最鍾意食蟹粉小籠包同埋蟹粉豆苗蟹粉小籠包皮薄多汁，雖然一隻要$35，但係好味呀⋯⋯記得小心🥢夾呀⋯⋯蟹粉扒豆苗有好多蟹肉，而D蟹膏粒好鮮味，豆苗炒得爽口，味道啱晒我口味😊上海炒年糕有D小棠菜、旺菜絲同肉絲，年糕口感唔錯，不過味道啖口少少。薑茶湯圓個薑茶好夠薑，好味，唔係好甜，湯圓個黑芝麻餡好香。