金御海鮮酒家 (已結業)

金御海鮮酒家既早茶真係超值之算，每次去都好多老人家，所以我又會叫佢做老人家酒樓。而且附近仲係紅磡街市，飲完茶去買餸勁方便。已經黎過好多次飲早茶，就算星期六同日或者紅日去，每款要加多兩蚊，兩個人食左九樣野都唔洗200蚊，埋單只係187蚊。個人推介孖寶既蒸飯同埋鮮蝦菜苗餃。不過佢地既點心有時質素都會有唔同，個日去食腐皮卷就好咸，腸粉滑但係皮厚。雖然賣相同環境無一般酒樓咁光鮮，但係食物都唔錯，價錢又親民。