巴蜀烤全魚 (已結業)

係附近酒店Staycation，諗住搵間烤魚食。見唔少好評就揀左呢間。聖誕節打去book位竟然即book即有已經覺得奇怪。但無諗過會咁差。點左剁椒烤鯇魚，條魚一上到黎就已經係烹到硬晒，好似食隔夜魚咁。然後個湯底又鹹到爆。三百幾蚊條烤魚烹得仲差過係茶記幾十蚊既質素。絕對唔會再幫襯第二次。平時好少寫食評，可以話難食到特登上黎寫。差唔多食完時見到有個後生仔黎叫外賣，好想叫佢唔好幫襯，食M記仲好。除左烤魚之外仲叫左肥牛同白飯，可以話全餐最好食既係個白飯。