滿記甜品 (已搬遷) 新店位置

星期日出左海,食完海鮮食埋糖水先滿足呀!好彩都算早,8點幾唔使等位,坐係出年長枱,今次叫左白雪黑珍珠,其他朋友有些叫榴槤布甸,榴槤忘返,有些叫左最普通既綠豆沙,跟住有楊枝甘露加雪糕等等....都唔使等好耐就到啦,我的白雪黑珍珠賣相都好豐富,好多料架,有桂圓,香蕉片,黑珍珠,芒果粒,海底椰,加埋一些雪塊及雲妮拿糖水,都好夠冰凍好味呀,芒果夠甜,桂圓都甜,我好似第一次食,味道都幾好.朋友們的榴槤制品,好濃烈的榴槤味道呀!!我地要分開一半,一半食榴槤坐埋一齊,另一半唔食就坐第二邊,但係可能風大都好大陣味呀!!價錢都算ok的,普通的綠豆沙15元,我的是27元,其它楊枝甘露加雪糕34元等等!!