粉紅水門雞 (中海日升中心) (已結業)

今日lunch又再去東廣場既 "粉紅水門雞" 叫外賣，今次點了 "咖喱流心蛋牛腩飯"，只需 $36，非常抵食。一打開飯盒，就聞到好香既咖喱味，而飯餸既份量都好十足，三分之二白飯，三分之一餸的分配。咖喱係港式咖喱，色水偏淺黃，濃度剛剛好，唔算好spicy，用來餸飯好正，岩晒我呢D食唔到好辡既人。主角牛腩大大件，口感夠晒淋身，都算幾有牛味，吸收晒咖喱汁，好香好惹味，另外仲有原隻流心蛋，同咖喱都好夾，只是$36，是觀塘小店又平又好味之選。