茶走

營業中

休息中

招牌茶走$26推薦大家嚟旺角行街一定要試呢一個又順又滑嘅奶茶！飲落去會飲到好濃郁嘅奶香，茶味亦都好突出。呢一隻奶茶唔係其他珍珠奶茶舖嘅嗰一啲茶底，係有少少偏向茶餐廳沖出嚟濃郁香醇嘅嗰一隻奶茶。冰涼方面可以揀真多冰、正常冰同埋少冰。甜度就可以要原汁原味 、扣底同埋飛沙。荔枝青茶$36 如果揀合家歡水果茶系列嘅話就一定會係大杯裝嘅凍飲。見到呢一個系列下邊菠蘿烏龍冰茶同埋荔青清茶係最出名，不過平時出邊啲舖頭荔枝味好難試到，所以揀咗荔枝味嚟飲。濃郁嘅茶底配有好多荔枝果肉，飲起上嚟又有啲嘢咬吓非常解壓。仲會飲到原粒嘅荔枝添。Tiramisu $38 喺旺角食完飯再食呢個Tiramisu個size好啱，啲cream 打得好滑好輕盈，加埋吸滿espresso 嘅意式手指餅層，口感層次滿滿！味道方面唔會太膩，每層tiramisu 都一入口就化開左，一啖接住一啖食都得。