泰濃麵 (蘭芳道) (已結業)

前幾日終於拎到等左成個世紀嘅消費卷 梗係即刻去買下野啦！喺hyson行完個街經過見到呢間泰國野就諗起去旅行嘅時候嘅船麵 於是就俾佢吸引左去食🙈呢到嘅裝修都幾標誌性 門口有大大架tok tok車頭🤣呢到嘅船麵就行較高級嘅路線 靚牛連海鮮都可以配撘👍🏻我就叫左個牛肉船麵•頂級安格斯牛肉船麵🥩🍜•-湯底我就揀左冬陰功湯 配埋牛原來好夾架🙈仲有好多海鮮配料喺湯入面😍而牛肉嘅質地好冧 一咬就咬得開 而且仲好香牛味添👍🏻個湯底都好正 但食唔到辣嘅朋友就嗌其他啦 因為真係幾辣🥵•泰式凰爪🥗•-個凰爪拎到出嚟涷冰冰咁好開胃🤤咬落爽口之餘配埋酸酸辣辣嘅汁勁惹味🙈•炸豬皮🐽•-本身船麵其實都會有配埋幾舊 但我太鐘意用個沾落個湯到一齊食啦 所以就叫多左一碟🤣脆卜卜嘅口感浸落船麵惹味嘅湯底到 口感同味道都一流🙈🙈