群記清湯腩 (已結業)

難得平日晏晝經過群記 又唔洗排隊 忍唔住要食返一碗爽腩河！坐低落完單唔夠5分鐘已經有野食！先飲一啖湯，牛味香濃而且好清，一啲都唔覺油膩，亦冇味精味，唔覺得鹹或者口渴 直頭可以成碗湯飲曬佢！本身比較重口味嘅我就比較鍾加多幾滴辣椒油，令味道更加野味！爽腩半肥半瘦帶點筋，十分有口感，而且分量好多！我自己一個人食都唔係好食得曬啲肉！河粉就正正常常啦！如果有米線就好啦！唯獨有兩舊比較瘦嘅就有啲「鞋」，除此之外，其他都好好味！下次仲想再試下牛脷同牛臉珠😋