新麻蒲 BBQ (已結業)

尋晚九點幾行行吓旺角，好奇怪見倒新麻浦都有放題，168任食喎，食佢一碟五花腩，加杯嘢飲都回本啦，咁筍，我同個friend即刻唔食雞煲，試吓韓燒啦，我兩個一坐低，啲前菜就攞過嚟，仲係任加，沙律同泡菜真係一流，其實我有諗過放題啲肉同單點嘅肉係咪有分別，我問個侍應，佢答我係一樣，嘩，真定假呀，當時唔理，即時點最貴嘅濟州黑毛五花，再護心肉，豬排骨，豬肩肉，如果計單點，嗰度都成700幾蚊，但係宜家370埋單，仲有主食同飲品送，真係諗唔通，嘢食到，賣相同份量都ok，味道，一流，特別係豬排骨，我一個人都食咗4塊，我地兩條友一共食咗18碟，如果唔係放題，我諗張單唔過千都落唔倒樓，講環境，地方都幾企理，枱大，卡位，望住條街，啲伙計都好有禮貌同成日問我地加唔加泡菜，生菜，又好勤力咁幫我地換塊烤板，我諗我地由食到走，換咗7次板，真係辛苦晒，不過最尾中不足就係無韓國雪花冰食，因為部機壞咗，唔緊要，下次再嚟食過，今餐真係好滿足，飽到上心口......一個字《正》