The Platter (悦品天秀酒店‧元朗) (已結業)

位置係天水圍悅品天秀酒店既一間新餐廳，就係輕鐵天秀站隔離（行過去兩分鐘都唔洗，好易搵）。酒店比人一種好casual 既感覺，樓底好高，唔少裝飾都係大自然為主題（因為酒店英文名為Hotel COZi Wetland）。The Platter餐廳裝橫同氣氛會令你想坐低一試。侍應好nice好friendly，唔會好似其他酒店餐廳咁拘謹，侍應就帶左去我至想坐既卡位，好舒服！見到個menu即刻決定食餐個海鮮野菌鮮墨魚汁意大利飯，聽落去最吸引，決定試試佢！餐廳經理亦有推介左唔少既菜式，但我都係揀左我最鐘意既意大利飯。Set dinner連埋一個餐湯同甜品，甜品望落去好精致，睇得出廚師好有心思。我個墨魚汁意大利飯出爐喇！本身墨魚汁煮出黎既菜都會係黑色，而餐廳用既器皿同伴菜令到呢道菜非常精致同吸引。最令我非常意外既係，飯既硬度同墨魚汁既鮮味係同我係西班牙食過既墨魚飯係一模一樣，好正宗！一般既餐廳係會煮到好軟黎就番香港人既味道，呢道菜對我黎講可以稱得上香港最正宗既墨魚汁意大利飯！食左十分鐘左右，大廚走到我旁邊問我的意見，我當然讚嘆不絕，大廚話佢一直堅持利用最正宗既煮法黎造出最正宗既菜式！如果其他餐廳係咁