Bigger Burger Cafe (已結業)

Lunch time 經過，見到呢間店無乜人，環境又坐得好舒服甘，所以同男友入去試。岩岩入到去坐，裝修都幾有格調，有好幾張梳化位，舒適度十足。見到店名 Bigger Burger，當然係試下佢啲 burger 啦！於是叫左一份 “經典安格斯” 同西冷牛扒。到餐時，賣相都幾吸引。首先切開塊西冷，一切半熟，都唔係問題，落刀嗰下，一啲肉汁，一啲血水都無，已知有啲瀨野。切左2細舊，一人一舊，安全咬唔入，啜左少少肉汁，根本係8成渣，吐返出黎。於是乎，成塊西冷都無食，額外叫多左份蒜蓉包頂肚。2個人share個安格斯burger佢啦！一刀分2份，切開時又係乜肉汁都無，又干又鞋，唉 。。真係唔想再評論。最後上嘅蒜蓉包，係多士狀上餐，一如以往，又係 overcooked，得個硬字，唔脆又無蒜蓉味，成餐食完好似無食過一樣。