影片
更多
2016-07-10
878 瀏覽
見咁多好評，又即時book到位，所以黎試下呢間喇！餐廳環境一般，裝修普通，每個位之間好逼，所以座位好多。充滿期待去叫左2個飯，再每個人＋＄88轉餐。第一樣黎既係香草包，味道同質感一般，冇乜特別，細細舊。牛油提供係一塊薄既三角形，好少份量，唔夠用。之後呢個紅菜頭，係全晚最讚既野！味道ok，而且口感都不錯，煮得夠濃夠杰身。不過放左d 包落去，仲浸到淋哂，呢樣有少少怪。前菜不過不失，唔算新鮮。松葉蟹肉三文魚籽意大利飯呢個完全係一個伏！全個飯真係得幾粒三文魚籽！！蟹肉我完全食唔到！＄128我全程剩係食飯…加上呢個飯口感較硬同乾，完全唔係平時食開意大利飯既口感。而味道係配類似檸汁既酸酸地，我望住果幾粒三文魚籽… 全程剩食飯…真係愈食愈酸…心酸輕燒帶子黑松露意大利飯。我係好鍾意食黑松露既，所以呢個飯岩我口味，唔錯。帶子內在未熟，因為係輕燒，所以都算保留到份鮮味。個飯明顯比上面個松葉蟹肉三文魚籽意大利飯好， 起碼口感較滑同creamy，呢個＄128我覺得合理。甜品一般，中間係個lime芭菲，個人比較鍾意雪糕多d，而且個芭菲比較淡，冇乜味。另外2樣不過不失。水信玄餅。當初係俾呢個甜品吸引我黎，所以＄6
見咁多好評，又即時book到位，所以黎試下呢間喇！
餐廳環境一般，裝修普通，每個位之間好逼，所以座位好多。
充滿期待去叫左2個飯，再每個人＋＄88轉餐。
第一樣黎既係香草包，味道同質感一般，冇乜特別，細細舊。牛油提供係一塊薄既三角形，好少份量，唔夠用。
之後呢個紅菜頭，係全晚最讚既野！味道ok，而且口感都不錯，煮得夠濃夠杰身。不過放左d 包落去，仲浸到淋哂，呢樣有少少怪。
前菜不過不失，唔算新鮮。
松葉蟹肉三文魚籽意大利飯呢個完全係一個伏！全個飯真係得幾粒三文魚籽！！蟹肉我完全食唔到！
＄128我全程剩係食飯…加上呢個飯口感較硬同乾，完全唔係平時食開意大利飯既口感。
而味道係配類似檸汁既酸酸地，我望住果幾粒三文魚籽… 全程剩食飯…真係愈食愈酸…心酸
輕燒帶子黑松露意大利飯。我係好鍾意食黑松露既，所以呢個飯岩我口味，唔錯。帶子內在未熟，因為係輕燒，所以都算保留到份鮮味。
個飯明顯比上面個松葉蟹肉三文魚籽意大利飯好， 起碼口感較滑同creamy，呢個＄128我覺得合理。
甜品一般，中間係個lime芭菲，個人比較鍾意雪糕多d，而且個芭菲比較淡，冇乜味。另外2樣不過不失。
水信玄餅。當初係俾呢個甜品吸引我黎，所以＄68 蚊都要試下！結果又係失望。
個賣相好靚，食落似普通jelly，係靠d汁令佢有味，但汁既份量好少。
＄68真係好唔抵
最後叫杯野飲啦，原來＋＄88轉套餐但連朱古力都唔包架，唯有退而求其次叫凍檸水啦！
杯檸水仲要冇俾糖，全晚waiter都唔足夠，叫左幾耐先有人拎番糖漿俾我。
總括環境真係唔好，又逼又冇裝修可言，食物質素一般，份量少。
價錢唔抵，樣樣要加錢。
以上呢餐兩個人食左約＄550
服務唔太好，d waiter 個個冇笑容，而且太多客，每次叫待應要等等。
一句講哂：冇下次
張貼
