DAMA (已結業)

放假黎左尖沙咀搵野食，本來揀好左一間街舖餐廳但原來唔開，就周圍行下睇下有咩食就圍行黎行去都無咩心水，行行下行左黎K11，K11入面啲餐廳都好多人排隊，可能因為今日係公眾假期上上落落係咁行間間都係咁多人，少人啲個啲又唔岩食，最後終於睇中左一間餐廳撳左張飛仔等位，但要等成廿幾張飛先到我地餐廳對面就係DAMA啦，雖然一早聽過DAMA個名，但就真係一次都無食過，因為平時都好少黎K11呢頭今次又有時間又黎開，一於係趁等位時黎試下啦可能因為今日太晏啦，黎到得返開心果味同埋竹炭可可椰子味，兩個味都有興趣試，但係驚扭紋會試唔清個味,一於試左一隻味先，試真個味下次先試雙色扭紋，今次就試左開心果味食落好驚喜，今次係第一次食純素軟雪糕，平時都只係食過有包裝個款硬身雪糕平時純素雪糕口感較似冰，但呢隻根本同蛋奶製雪糕口感無分別口感軟滑，味道香濃又唔漏，雪糕灑上開心果碎口感更有層次下次要早啲專誠黎食，好想試埋其他口味！