漁樂 (黃大仙中心南館)

營業中

休息中

又再一次買外賣，又食佢哋既下午茶，平時次次叫焗飯，今次試試海南雞飯，以為今次等外賣時間會快啲，點知都等十幾分鐘，仲要遲過我落單買外賣既人都快過我。其實真係成日幫襯，發現近排啲侍應態度差左，啲野食成日送錯枱，送錯反而仲惡過啲客，成日見有啲呀叔忍唔住同佢哋嘈。一打開個盒預左啲雞肉唔方會多，但又真係少得可憐，仲要件件好薄身唔夠餸。雞都算滑，但其實我想講完全唔對味， 唔係海南雞飯嚟， 黃油飯又唔似黃油飯，唔太正宗。茶餐連一個冬蔭公湯，湯入面得半塊豆卜，少量菇同半舊車厘茄，味道我會形容為加左辣味既羅宋湯，蕃茄重，麻麻地。全個餐最好味就係杯青檸紅茶，下次都係食返焗飯算喇。