影片
更多
2021-05-31
478 瀏覽
2021年5月29日 晴今日同男朋友去西貢玩完水, 諗緊晚餐食咩好時, 醒起之前經過呢間餐廳就打算睇下有冇得walk-in。去到其實已經full 左, 但侍應就留左我地電話, 話可能要等45 min, 咁我地就係西貢行下坐下先la。 行左個圈坐左一陣餐廳就打電話來, 比我想像中快， 大約等左30min 到就有位。間餐廳有2 層同室內室外, 我地就安排左坐bar 枱位（張櫈比想像中舒服, 唔會坐到好攰）, 可以望住廚師整野食。叫餐時個侍應都好用心推介邊款牛好, 本身想叫rump cap, 但佢冇曬所以叫左flank (但佢唔係推介呢款😂）叫完切好塊肉佢會拎黎俾你睇一睇再同你講切左幾多gram, 幾好.炸五花腩$68, 一共有8粒, 試到有d 紫菜粉係面, 佢個醬好好食, 係辣辣地ge mayo, 仲有青檸俾你唧。個皮有dd 硬， 但咬入去有油脂又幾鬆化， 點埋佢個醬好食。Smokey Lamb Burger $98, 好juicy, 個包皮有煎過的, 餡料飽滿, 羊唔會so, 仲配有幾片酸瓜係出面, 唔錯。Potato Gratin $50, 呢個超好食, 熱辣辣上碟, 有好濃ge 芝士
今日同男朋友去西貢玩完水, 諗緊晚餐食咩好時, 醒起之前經過呢間餐廳就打算睇下有冇得walk-in。去到其實已經full 左, 但侍應就留左我地電話, 話可能要等45 min, 咁我地就係西貢行下坐下先la。 行左個圈坐左一陣餐廳就打電話來, 比我想像中快， 大約等左30min 到就有位。間餐廳有2 層同室內室外, 我地就安排左坐bar 枱位（張櫈比想像中舒服, 唔會坐到好攰）, 可以望住廚師整野食。
叫餐時個侍應都好用心推介邊款牛好, 本身想叫rump cap, 但佢冇曬所以叫左flank (但佢唔係推介呢款😂）叫完切好塊肉佢會拎黎俾你睇一睇再同你講切左幾多gram, 幾好.
炸五花腩$68, 一共有8粒, 試到有d 紫菜粉係面, 佢個醬好好食, 係辣辣地ge mayo, 仲有青檸俾你唧。
個皮有dd 硬， 但咬入去有油脂又幾鬆化， 點埋佢個醬好食。
Smokey Lamb Burger $98, 好juicy, 個包皮有煎過的, 餡料飽滿, 羊唔會so, 仲配有幾片酸瓜係出面, 唔錯。
Potato Gratin $50, 呢個超好食, 熱辣辣上碟, 有好濃ge 芝士, 食完會想再食😍😍😍
Flank $78/100g, min 200g, 呢到230g, medium rare. 切個陣個牛有d un, 但食落肉質都淋, 上網睇話呢個部位係會比較硬, 但肉味都幾好， 整體黎講唔錯, 好食🤤
最後食完叫多左個心太軟食$80, 超級好食！！！！！！做到流心效果, 朱古力味濃, 配埋個雪糕有冰火交融ge 感覺, 必食！
成晚一路食一路望住廚師整野食, 好好睇, 佢地d 擺盤好有心機, 亦都好大份好足料, 睇到我想試曬咁多款野食呢個價錢有呢個份量又有得睇住整野食好超值☺️☺️☺️
張貼
