豐鍋雞煲 (荔枝角道) (已結業)

同事說起今晚去深水埗買電腦零件，附近新開左一間豐鍋雞煲，知道我喜歡試新店，就叫埋我一齊去試下。新店地方整潔，燈光明亮，座位寬敞。豐鍋招牌麻辣雞煲，小辣(辣度有得揀)，半隻雞份量都不少，雞件已經用醬料炒熟，上枱時，侍應加些芫茜再爆炒一下，加熱後就食得，雞肉鮮嫩入味，醬汁帶少辣，調得非常惹味。食完雞煲就加湯食火鍋，因為還有料頭和醬汁在煲內，加湯再滾返，味道依然惹味。西班牙頂級黑豚豬梅肉很新鮮，肥瘦適中，肉質濃郁，口感細嫩。手打四寶丸：蝦丸、墨魚丸、黑墨丸、鲮魚丸，用新鮮材料打成，鮮味又彈牙。餃餃陣：有鮮蝦雲吞、魚皮餃、韭菜餃、麻辣雲吞。隻隻皮薄餡鮮，足料好味！即炸爆芝紫菜響鈴：紫菜響鈴食得多，加埋芝士炸就比較少，呢樣係即叫即炸，一定要趁熱食，響鈴酥脆，一口咬下去，流心芝士十分惹味，食不停口。手工即炸魚皮：好特別的炸魚皮，用原條魚皮炸成，十分薄脆可口，雜菜籃：大份量，幾種蔬菜都好新鮮，清洗得乾乾淨淨。玫瑰柚子：有玫瑰花香味，加埋抽子的甜味，好特別的配搭。藍蝶雪梨：雪梨味清甜，冰凍好飲。