影片
更多
2023-04-05
41 瀏覽
秋香 (康景花園) (屯門)屯門青善街38號康景花園地下26-27號舖極上ニ人前 $698頭盤係日式前菜，即係海帶豆腐，食物係藝術品，喺豆腐上面畫花，真係勁靚喎，賞心悅目。每日餐湯就係忌廉南瓜湯，好味，夠料，香味撲鼻，入口綿綿，咕嚕咕嚕就飲晒啦，正。秋香推介威士忌燒蠔，一啖一隻蠔，店員會喺你面前噴威士忌，有酒嘅少少甘味，一啲都唔會腥，蠔🦪鮮味同埋蟹籽嘅鮮甜都令到口感非常豐富。炸物拼盤有炸蝦、炸蠔、炸魷魚圈，全部都非常鬆脆，毫無油膩感。一人一件都慢慢夠飽。串燒盛（廚師發辦）有燒蕃茄仔，非常鮮美，顏色又好睇，燒菠蘿🍍勁甜，有焦糖味。燒雞、牛、豬三串非常出色，食到停唔到口。終極主食鹽燒白鱔煲仔飯（+40），客人講嚟秋香就一定要食白鱔煲仔飯，因為得呢度先食到，所以加錢都要一試。絕對令人喜出望外，白鱔皮酥脆，肉質鮮嫩，甜滑，處理得非常清潔，絕無泥味。煲仔飯極度出色，飯質鮮甜，極都好味嘅飯焦，令人垂涎🤤精選甜品係法式可麗餅，以薄脆餅皮搭配鮮奶油同芋圓同日本蕨餅，好創新。
屯門青善街38號康景花園地下26-27號舖
極上ニ人前 $698
頭盤係日式前菜，即係海帶豆腐，食物係藝術品，喺豆腐上面畫花，真係勁靚喎，賞心悅目。
每日餐湯就係忌廉南瓜湯，好味，夠料，香味撲鼻，入口綿綿，咕嚕咕嚕就飲晒啦，正。
秋香推介威士忌燒蠔，一啖一隻蠔，店員會喺你面前噴威士忌，有酒嘅少少甘味，一啲都唔會腥，蠔🦪鮮味同埋蟹籽嘅鮮甜都令到口感非常豐富。
炸物拼盤有炸蝦、炸蠔、炸魷魚圈，全部都非常鬆脆，毫無油膩感。一人一件都慢慢夠飽。
串燒盛（廚師發辦）有燒蕃茄仔，非常鮮美，顏色又好睇，燒菠蘿🍍勁甜，有焦糖味。燒雞、牛、豬三串非常出色，食到停唔到口。
終極主食鹽燒白鱔煲仔飯（+40），客人講嚟秋香就一定要食白鱔煲仔飯，因為得呢度先食到，所以加錢都要一試。絕對令人喜出望外，白鱔皮酥脆，肉質鮮嫩，甜滑，處理得非常清潔，絕無泥味。煲仔飯極度出色，飯質鮮甜，極都好味嘅飯焦，令人垂涎🤤
精選甜品係法式可麗餅，以薄脆餅皮搭配鮮奶油同芋圓同日本蕨餅，好創新。
張貼
