阿爺燒鵝餐室 (已結業)

番屋企前決定去斬料孝敬家人，聽過西灣河呢度有間幾出名嘅燒味舖，未試過就決定買番啲返嚟試吓啦。呢度出名係燒鵝，唔知買乜就買返隻燒鵝髀返去啦。要成$100，應該都有啲質素保證既，但係見到呢個份量唔係咁多，要餵飽家人我都再買多$50叉燒。等左10分鐘左右就攞得啦。舖頭出面都幾多人買外賣。攞住外賣返屋企途中一路都覺得好香，返到屋企都急不及待開黎食啦。叉燒係半肥瘦，表皮嘅蜜汁夠曬甜，咬落唔會好鞋。燒鵝髀係呢度嘅招牌，髀肉夠曬嫩滑，點一點最佳拍檔甜酸醬，鵝味出曬黎。燒鵝表皮係用咗呢度出名嘅煙燻製作，別有一番風味，家人試過都話好食!